Kagawad Sol Erwin Diaz nag-apud apud ug mga school supplies sa mga day care centers sa Pala-o

Si kagawad Sol Erwin Diaz kauban ang mga bata nga nagtuon 

sa Day Care pagkahuman sa pag-apud-apud og mga lapis

 ug notebook.

Nag-apud-apud si Kagawad Sol Erwin Diaz ug mga lapis ug notebook sa tulo ka Day Care Center diri sa Barangay Palao. Atong nasayran kang kagawad Sol nga iya na diay kining ginabuhat sa matag tuig panahon sa iyang pag saulog sa iyang adlaw nga natawhan sa matag Agosto 24 sa matag tuig. Dako kaayo ang pagbati ni kagawad Sol sa mga bata nga nagtuon sa mga day care center tungod kay graduado man pud siya sa Education. Gani matud pa niya nga Palao nagkinahanglan ug dugang pang mga day care centers tungod sa nagkadako ang population niini. Apan matud pa niya dili kuno kini madugangan tungod lahi ang prioridad sa kasamtangang administration. Sa lain bahin atong nasayran nga ang Barangay Palao kaniadto dunay lima ka mga day care centers apan nasirado ang day care center sa Purok 13 tungod sa kakulangan sa dapit nga pakatukoran sa classroom ug nasirado usab ang Soroptimist nga Day Care Center. Busa matud pa ni Kagawad Sol gikinahanglan gayud nga taga-an ug pagtagad mga matukod ug madugangan ang Day Care sa Barangay Palao.